AS Watson Group X Ali’s Aromatherapy 減壓及舒緩痛症工作坊 多謝AS Watson Group邀請，為旗下集團員工舉辦減壓及舒緩痛症工作坊，大家仲可以即時根據自己根據需要去調配按摩油，希望大家返去用自己親手整既按摩油RELAX一下。

景鴻移民EK Club X Ali’s Aromatherapy 母親節親子沐浴泡泡球製作坊 多謝景鴻移民邀請，為其VIP舉辦母親節親子沐浴泡泡球製作坊，簡單易做，仲可以一家大細一齊DIY，分工合作，渡過一個溫馨既早上。

博愛醫院長者服務中心 X Ali’s Aromatherapy 香薰舒緩痛症及減壓工作坊 多謝博愛醫院既邀請，為旗下長者服務中心員工舉辦香薰舒緩痛症及減壓工作坊，工作坊講解基本香薰療法理論，同時教授如何配合按摩手法去舒緩痛症，大家都好認真去學習按摩技巧。

ELLE HANGOUT X Ali’s Aromatherapy 【DIY香薰香水工作坊】 全城最HIT既DIY護膚神器一出團購，出現超額訂購，最後加推第二輪，由於太多查詢，所以舉辦左兩次示範班比DIY用家。 ​大家好好留心聽ALICE老師示範同抄筆記，有左呢部DIY神器，為DIY一族省卻不少時間。

今日好開心到香港專業教育學院（李惠利）舉辦【香薰香油ROLL ON工作坊】，而家既同學仔讀書壓力大，多謝駐校社工APPLE既邀請，ALICE校長可以同同學仔分享下香薰知識之外，仲透過DIY香薰香油ROLL ON工作坊，令同學仔停一停、放鬆一下，同時可以幫佢地用香薰減減壓。

今年ALICE校長繼續同香港心理衛生會臻和學校再合作舉辦香薰治療培訓工作坊，今年再次帶同新一批英國IFA專業香薰治療師文憑課程既學員實習，讓學員親身參與，將課本理論實踐。 由於該校既學生為嚴重弱智兒童，學校同家長想改善幾方面既問題，包括：幫助學生放鬆、改善煩躁、加強集中注意力、提升睡眠質素、舒緩繃緊肌肉等狀況。

好開心今年再次獲邀到聖公會李嘉誠長者護理中心，為屬下其他中心一次過舉辦香薰按摩痛症治療工作坊，透過按摩，唔單止可以令公公婆婆舒緩痛症，而且仲可以透過按摩，將家人既愛傳送，促進一家人既感情。 今次用左薰衣草、甜馬可蘭調配左一支舒緩痛症既按摩油，在埸更有婆婆按按下訓著左。因為呢兩隻香薰油除左舒緩痛症之外，仲可以幫助入睡。  

上年同香港心理衛生會臻和學校舉辦過幾堂香薰治療培訓工作坊，家長同學生都反應好好，所以今年校長再邀請我地去再做一次香薰治療工作坊。 由於該校既學生為嚴重弱智兒童，學校同家長想改善幾方面既問題，包括：幫助學生放鬆、改善煩躁、加強集中注意力、提升睡眠質素、舒緩繃緊肌肉等狀況。 今次我地仲帶左讀緊IFA既學生一齊去，等佢地可以除左學到於書本上學到既理論、按摩技巧外，趁今次機會學習點樣喺日常生活中運用返出黎。今次係一個好好既實習機會，學員可以從旁學習，聆聽，上左寶貴既一課。見到學員同學生、家長既互動、對答，見證大家努力學習既成果。 當中有D小故事可以同大家分享，其中有一個學生，一聞薰衣草、即時訓著左，於是我地再比檸檬精油比佢再聞，1分鐘唔駛，即刻醒返，由於佢地既感官比我地更單一直接，所以對於精油既反應亦特別快見效。 而另一位學生本身好易煩躁，當我地同薰衣草精油同佢按摩左一陣，佢就好似BB一樣咁平靜、仲乖乖訓著左。 好開心見到而家多左醫院、社福機構同學校推廣香薰治療既應用，藥物唔再係唯一既方法去解決情緒、身體上既問題。